Bir muddat oldin Toshkent shahar Uchtepa tumanida 3 nafar ishchini tuproq bosib qolgani haqida xabar qilingandi.

Uchtepa tumani hokimligi bergan maʼlumotga koʻra, tumanning “Beshqayrogʻoch” koʻchasida olib borilayotgan kollektor qurilishida 5 nafar “Shafoat” MCHJ xodimlari ishlayotgan boʻlgan. Baxtsiz hodisa tufayli 2 nafar ishchi xodim vafot etgan, bir nafar xodim esa ayni damda shifoxonada. Qolgan 2 nafar ishchilarning ahvoli qoniqarli ekani aytilmoqda.

“Ayni damlarda, tuman Ichki ishlar boʻlimi va boshqa huquqni muhofaza etuvchi idoralar tomonidan surishtiruv ishlari olib borilmoqda”, – deyiladi hokimlik xabarida.