Toshkent viloyatining Yuqorichirchiq tumanida chuqurga tushib ketgan bola qutqarib qolindi. Bu haqda Favqulodda vaziyatlar vazirligi xabar qildi.

Ta’kidlanishicha, kecha soat 13:47 da Toshkent viloyati Favqulodda vaziyatlar bosh boshqarmasi navbatchilik qismiga “Saksonota” mahallasidagi xonadonlardan birida qarovsiz qolgan 5 yoshli bola chuqurga o‘rnatilgan quvur ichiga tushib ketgani haqida xabar kelib tushgan. Toshkent viloyati Favqulodda vaziyatlar bosh boshqarmasi qutqaruvchilari zudlik bilan voqea joyiga yetib borib, maxsus asbob-uskunalar yordamida qisqa vaqt ichida bolani quvur ichidan sog‘-salomat olib chiqqan. Shifokorlarning ma’lum qilishicha, bolaning ahvoli yaxshi.

“Kichik yoshdagi farzandlaringizni qarovsiz qoldirmang”, deya ogohlantirgan vazirlik.