Yulduz Usmonova oʻzining qoʻshigʻini aytib mashhur boʻlgan qizlar bilan birga kuyladi. Ular bugun poytaxtimizning Forumlar saroyida Oʻzbekiston Milliy paralimpiya qoʻmitasi tomonidan 3-dekabr – Xalqaro nogironlar kuniga bagʻishlab oʻtkazilgan “Biz turlimiz. Biz tengmiz” tadbiri doirasida qoʻshiqni birga aytishdi.

Eslatib oʻtamiz, ushbu qizlar Kosonsoy tumanidagi 22-umumtaʼlim maktabining 8-sinf oʻquvchisi Madina Usubjonova hamda 45-maxsus maktab-internat oʻquvchisi Nurzida Isayeva boʻlib, xonandaning “Muhabbat” taronasini kuylab, internetda minglab muxlislar eʼtirofiga sazovor boʻlgan edi.