Bugun, 15-may kuni O‘zbekiston Milliy universitetida jadid ma’rifatparvar adib, professor Abdurauf Fitratning 140 yilligiga bag‘ishlangan xalqaro ilmiy-nazariy anjuman boʻlib oʻtdi.

“Profеssor Abdurauf Fitratning adabiy-ilmiy va ijtimoiy-siyosiy faoliyati jahon jadidshunoslari talqinida” mavzuidagi mazkur anjuman uning ilmiy-adabiy va ijtimoiy-siyosiy faoliyatini o‘rganish, uni jahon ma’rifatparvarlari qatorida targ‘ib etish maqsadida O‘zMU va O‘zbekiston Yozuvchilar uyushmasi tomonidan tashkil etilib, unda Turkiya, AQSh, Ozarboyjon universitetlaridan vakillar ishtirok etdi.

Mazkur anjuman materiallari olti bo‘limdan iborat bo‘lib, uning har bir bo‘limida Abdurauf Fitrat ijodi va faoliyatining mufyyan qirrasi o‘z aksini topgan. 70 dan ortiq maqolalarni o‘z tarkibiga olgan mazkur to‘plam professoro‘qituvchilar, mutaxassis va tadqiqotchilar, doktorant va izlanuvchilarga mo‘ljallangan.