Shavkat Mirziyoyev Shvetsiyada Qurʼoni karim yoqib yuborilganini yovuz harakat deb atadi va keskin qoraladi. Bu haqda prezidentlikka nomzod toshkentlik saylovchilar bilan uchrashuvda toʻxtalib oʻtdi.
 

“Ayni vaqtda biz radikalizm va ekstremizmning har qanday koʻrinishlariga, turli millat va xalqlarning diniy qadriyatlariga nisbatan hurmatsizlik koʻrsatishga mutlaqo qarshimiz.

Jumladan, yaqinda Shvetsiyada sodir etilgan, muqaddas Qurʼoni karimni yoqib yuborishdek yovuz harakatlarni keskin qoralaymiz.

Yer yuzidagi millionlab insonlarning din-u diyonati, ezgu hissiyotlarini haqorat qiladigan bunday holatlarga aslo yoʻl qoʻyib boʻlmaydi”, – dedi Shavkat Mirziyoyev.