12-iyun kuni Qoʻqon shahridagi eng yirik savdo kompleksida yongʻin chiqqani haqida xabarlar tarqalgandi.

FVV bergan xabarga koʻra, yongʻinga soat 19:25 da birinchi boʻlinmalar yetib borgan vaqtda savdo komplekslari ochiq alanga bilan yonayotganligi aniqlangan.

Yongʻin-qutqaruv boʻlinmalari tomonidan koʻrilgan tezkor harakatlar natijasida yongʻin soat 20:25 da qurshab olinib, 23:30 da bartaraf etilgan.

Hozirda yongʻinning kelib chiqish sababi va moddiy zarar miqdorini aniqlash ishlari olib borilmoqda.

Bosh prokuratura holat yuzasidan Jinoyat kodeksining 259-moddasi (yongʻin xavfsizligi qoidalarini buzish) bilan jinoyat ishi qoʻzgʻatilganini maʼlum qildi. Hozirda Fargʻona viloyati IIB huzuridagi Tergov boshqarmasi tomonidan tergov harakatlari olib borilmoqda.