Iste’molchilar huquqlarini himoya qilish jamiyatlari federatsiyasi tomonidan "Sayyoh-2021" Xalqaro forumini o‘tkazildi. Forum maqsadi sayyohlik oqimini yanada kengaytirish, turizm sohasida iste’molchilar huquqlarini himoya qilish va soha rivojiga to‘sqinlik qilayotgan muammolarni tahlil qilishga qaratilgan.

Forum davomida chet ellik sayyohlarga murojaatlari yuzasidan o‘z vaqtida sifatli xizmat ko‘rsatish, iste’molchilar huquqlarini himoya qilish borasida ilg‘or xalqaro tajribani joriy qilish haqida so‘z bordi.

“Zero, har bir sayyoh qayerga tashrif buyurmasin, o‘sha davlatda uning iste’molchi borasidagi huquqlari himoya qilinishi mamlakat turizmining rivoji uchun xizmat qiladi”, – dedi federatsiya raisi J.Sarimsoqov.

Shuningdek, anjumanda iste’molchilar transchegaraviy murojaatlarni ko‘rib chiqish, ularning turizm va elektron tijorat sohasidagi huquqlarini himoya qilish borasidagi mexanizmlarni takomillashtirishi, xavfsiz turizmga oid masalalar haqida so‘z bordi.