Joriy yilning 12–14-may kunlari Fargʻona viloyatining Rishton tumanida anʼanaviy “Turkiy xalqlar hunarmandchiligi” forumi va “Kulollar sayli” milliy kulolchilik mahsulotlari koʻrgazma-savdosi oʻtkaziladi.

Forumda Rossiya, Polsha, Ozarboyjon, Tojikiston, Qirgʻiziston, Turkmaniston, Qozogʻiston, Isroil va Turkiya kabi xorijiy mamlakatlardan soha mutaxassislari va olimlar ishtiroki koʻzda tutilgan.

“Kulollar sayli” milliy kulolchilik mahsulotlari koʻrgazma-savdosida mamlakatdagi barcha kulolchilik maktablarining 150 nafardan ortiq usta-kulollari, avloddan-avlodga oʻtib kelayotgan sulola vakillari va xalq ustalarining mahsulotlari koʻrgazmasi tashkillashtiriladi.