Oʻzbekiston doimiy aholisining 56,8 foizi mehnatga layoqatli yoshdagi fuqarolar hisoblanadi. Bu haqda Davlat statistika agentligi xabar berdi.

Agentlikka koʻra, 2023-yil 1-yanvar holatiga koʻra, mamlakat doimiy aholisining 31,7 foizini (11,4 million kishi) mehnatga layoqatli yoshdan kichiklar hamda 11,5 foizini (4,1 million kishi) mehnatga layoqatli yoshdan kattalar tashkil etadi.

Respublikaning doimiy aholisi 2023-yilning 1-aprel holatiga koʻra 36 197 781 kishini tashkil etmoqda. Aholi 2023-yilning har bir oyida oʻrtacha 57,6 ming kishiga koʻpaygan.

Toshkent shahri, Jizzax, Namangan va Surxondaryo viloyatlari aholisi tez oʻsayotganini koʻrish mumkin. Xususan, Namangan va Toshkent viloyati aholisi 3 milliondan oshgan.