Oʻzbekistonlik 37 yoshli Orzugul Boboxoʻjayeva Yaponiyada deputat boʻldi. Bu haqda u oʻzining Twitter sahifasida maʼlum qilgan.

Boboxoʻjayeva 6 771 ta ovoz bilan Tokioning Setagaya tumaniga deputat etib saylangan.

“Bu safar men Setagaya okrugi majlisi saylovida birinchi marta 6771 ovoz bilan saylandim. Barchangizga rahmat. Bugun gʻoliblik guvohnomamni olish uchun Setagaya tuman idorasiga bordim”, — degan u.

Ushbu saylov kampaniyasida u “Yaponiyani yaxshi koʻrganim uchun jim turolmayman” shiori ostida saylovchilariga murojaat qilgan.