Toshkent shahrida 28-aprel kuni “Avtomobilsiz kun” tadbiri oʻtkaziladi. Bu haqda shahar hokimligi axborot xizmati maʼlum qildi.

Shu bois ushbu kun doirasida shaxsiy avtomobillarda harakatlanishni kamaytirish, aholi orasida jamoat transportidan va velosipeddan foydalanishning hamda piyoda yurishning afzalliklarini targʻib etishga qaratilgan koʻplab tadbirlar tashkil etiladi.

Tadbirning ahamiyati – bir tomondan insonlar oʻrtasida sogʻlom turmush tarzini targʻib qilish boʻlsa, ikkinchi tomondan atrof-muhitda barqarorlikni saqlash, tabiatga zaharli gazlar chiqishini imkon qadar kamaytirish ekanligi taʼkidlanmoqda.

Maʼlumot uchun, dunyoda “Avtomobilsiz kun” tadbiri 1995-yildan buyon oʻtkazib kelinadi.