Raqobat qoʻmitasi Oʻzbekistonda shakar mahsuloti mavjud va hech qanday xavotirga oʻrin yoʻqligini maʼlum qildi.

Shakar mahsulotini ishlab chiqaruvchi va realizatsiya qiluvchi mahalliy tadbirkorlarning 2023-yildagi faoliyatida vujudga kelishi mumkin boʻlgan xavf-xatarlarning oldini olish boʻyicha Hukumat tomonidan zarur chora-tadbirlar ishlab chiqilgan.

Respublika aholisining yillik ehtiyojini (oʻrtacha 650 ming tn) barqaror taʼminlash uchun zarur darajada (1 mln tn) shakar mahsuloti mavjud va hech qanday xavotirga oʻrin yoʻq.

Bugungi kunda aholiga shakar 11 500 – 14 000 soʻmdan, ayrim olis hududlarda 12 000 – 15 000 soʻmgacha chakana narxlarda realizatsiya qilinmoqda.