Pastdargʻom tumani hokimligida oʻtkazilayotgan xalq deputatlari tuman Kengashining navbatdan tashqari sessiyasida tashkiliy masala koʻrildi.

Sessiyada deputatlar tomonidan Vahobjon Murodqobilov nomzodi Pastdargʻom tumani hokimi lavozimiga tasdiqlandi.

Murodqobilov 1974-yilda Samarqand viloyati, Pastdargʻom tumanida tugʻilgan. Mazkur tayinlovga qadar Oʻzbekiston Respublikasi Oliy Majlisi Qonunchilik palatasi deputati vazifasida faoliyat olib borgan. Oʻzbekiston Respublikasi Qurilish vazirligida boshqarma boshligʻi, Qurilish vazirligi huzuridagi “Shaharsozlik hujjatlari ekspertizasi” DUK bosh direktori vazifalarida ishlagan.

Avvalroq Samarqand viloyati hokimiga yangi oʻrinbosarlar tayinlangani haqida xabar berilgandi. Ulardan biri Shunqor Xudoyberdiyev Pastdargʻom hokimi edi.