Bosh prokuratura tomonidan maktab oʻqituvchilari ommaviy doʻpposlanganligi bilan bogʻliq videoyozuvdagi holat oʻrganildi. 

Oʻzbekiston Respublikasi Bosh prokurorining matbuot kotibining ma’lum qilishicha, 2023-yil 14-aprel kuni soat 12:00 larda Uzun tumanidagi 31-sonli oʻrta taʼlim maktabining direktor xonasida oʻtkazilayotgan yigʻilishda 34 yoshli erkak (oʻqituvchi) ikki nafar ayol oʻqituvchilar bilan janjallashib, ularga tan jarohati yetkazgan. 

Mazkur holat yuzasidan 18-aprel kuni Jinoyat kodeksining 277-moddasi (Bezorilik) bilan jinoyat ishi qoʻzgʻatilgan. 

Gumonlanuvchi shaxs protsessual tartibda ushlangan. Ayni paytda tergov harakatlari davom etmoqda.