Investitsiyalar va tashqi savdo vazirligi, Samarqand viloyati hokimligi, Yevropa tiklanish va taraqqiyot banki o‘rtasida Samarqand shahridagi jamoat transporti uchun 350 ta elektrobus xarid qilish va tegishli infratuzilmani yaratish bo‘yicha 95 mln dollarlik loyiha amalga oshirilmoqda.

Loyiha 2 bosqichda amalga oshirilishi rejalashtirilgan. Hozirda birinchi bosqich bo‘yicha ishlar ketmoqda. Jumladan, uzunligi 10,5 metr bo‘lgan dastlabki 100 ta elektrobus uchun uskunalar xarid qilish va elektrobus parkini qurish maqsad qilingan.

100 ta elektrobusdan 6 tasi 2023-yilning birinchi yarim yilligida, qolgan 94 tasi esa uchinchi chorak yakunigacha yetkazib beriladi.