Qashqadaryo viloyati bolalar ko‘p tarmoqli tibbiyot markazida o‘tkir leykoz (oqqon) bilan xastalangan bemorlarni xalqaro standartlar bo‘yicha 24 soat ichida aniq tashxislash amaliyotga tatbiq etildi. Bu haqda Sog‘liqni saqlash vazirligi matbuot xizmati xabar berdi.

Shu paytga qadar bemorlarning oqqon miyeologrammasi tahlil uchun viloyatdan poytaxtga jo‘natilgan.

Hozirda yaratilgan yangi imkoniyatlar tufayli Samarqand va Surxondaryo viloyatlaridan keltirilgan namunalar ham Qarshi shahridagi laboratoriyada tahlil qilinmoqda.

Shuningdek, bu yerda aniqlash qiyin bo‘lgan tug‘ma-irsiy (orfan) kasalliklar bo‘yicha ham sitomorfologik tekshiruv orqali tashxis qo‘yish imkoniyati mavjud.