Toshkentdagi “Yangi Oʻzbekiston” bogʻida Xitoydan olib kelingan 268 ta avtobus va elektrobuslarni topshirish marosimi boʻlib oʻtdi.

Ushbu jamoat transporti vositalarining 101 tasi elektrobus, 109 tasi gazda harakatlanuvchi (12 metrli) avtobus, 48 tasi esa katta sigʻimli (“garmoshka”) avtobuslardir. Mazkur avtobus va elektrobuslar King long va Yutong kompaniyalari tomonidan ishlab chiqarilgan.

Xitoyning Yutong Bus Co Ltd kompaniyasi va “Toshshahartransxizmat” oʻrtasida tuzilgan shartnomaga asosan, 2023-yilning mart oyi yakuniga qadar Yutong avtobuslarning 1-partiyasi, yaʼni 110 dona avtobus va 150 dona elektrobuslar Oʻzbekistonga yetkazib berilishi kutilayotgani toʻgʻrisida xabar berilgandi.