Bugun “Tashabbusli byudjet” loyihasining 2023-yil 1-mavsumi yakunlandi. 2023-yil 18-mart soat 10:00 dan 7-aprel soat 10:00 ga qadar davom etgan jarayonda mamlakatimiz boʻylab “Open budjet” portali orqali 33 680 ta tashabbus uchun 16 mln.dan ortiq ovoz berildi. Ovoz berish jarayoni yakunlariga koʻra, 1666 ta loyiha gʻolib deb topilgan.

Gʻolib boʻlgan loyihalar bilan shu yerda tanishishingiz mumkin. Ijtimoiy tarmoqlarda loyihada gʻolib boʻlgan tashabbus egalari gʻoliblikni turli koʻrinishlarda nishonlanayotgani haqida video va suratlar tarqalmoqda.