Bolgariyaning Sofiya shahrida badiiy gimnastika boʻyicha Jahon kubogining navbatdagi bosqichi oʻz yakuniga yetdi.

Musobaqaning soʻnggi kunida Oʻzbekiston terma jamoasi aʼzosi Taxmina Ikromova 1 tadan oltin va bronza medallarini qoʻlga kiritdi. Ikromova oltin medalga tasmadagi (30,900) mashqda sazovor boʻldi. Uning toʻpdagi (31,750) dasturi esa bronza medalini keltirdi.

Qayd etish kerak, Taxmina Ikromova ushbu bosqich doirasida koʻpkurash yoʻnalishida ham bronza medali bilan taqdirlangandi.