Qashqadaryo viloyati Koson tumani hokimi oʻzi chaqirgan majlisda roʻzadorlarni roʻzasini ochishga majburlagani aytilmoqda. Bu haqda Oʻzbekiston Inson huquqlari “Ezgulik” jamiyati raisi Abdurahmon Tashanov Facebookʻdagi sahifasida yozmoqda.

Abdurahmon Tashanovning yozishicha, 31-mart kuni soat 15 larda majlis chaqirgan Qashqadaryo viloyati Koson tumani hokimi Asrol Boyqorayev qishloq xoʻjaligidagi muammolar haqida juda gʻazab bilan gapirgan. Shundan soʻng xodimlarga majlisda “Senlar roʻza tutvolib, sipo boʻlib yurasanlar. Ishni kim qiladi?”, deb suv keltirishni buyurgan.

Ushbu vaziyatga tuman hokimligi hali izoh bermadi.