Respublika Maʼnaviyat va maʼrifat markazi tomonidan Mudofaa vazirligi Markaziy harbiy klinik gospitalida “Yangilanayotgan Konstitutsiya – Yangi O‘zbekistonni barpo etishning huquqiy poydevori” mavzusida targ‘ibot tadbiri o‘tkazildi. Unda hamkor tashkilot masʼullari, olimlar, sanʼatkorlar, yozuvchi va shoirlar, “Maʼrifat” targ‘ibotchilar jamiyati aʼzolari hamda muassasa xodimlari ishtirok etdi.

Targ‘ibot tadbirida Konstitutsiyaning yangi tahrirdagi loyihasida inson qadri, uning manfaatlari va umuman xalq uchun keng ko‘lamdagi o‘zgarishlar o‘z aksini topayotgani, loyihani ishlab chiqishda keng jamoatchilik, siyosiy partiyalar, jamoat tashkilotlari, ekspertlik va ilmiy doiralar vakillari, ziyolilar faol ishtirok etganligi bilan ham o‘z qadr-qimmatiga egaligiga to‘xtalib o‘tildi.