Diyora Keldiyorova Tbilisida dzyudo boʻyicha “Katta Dubulgʻa” turnirining final bahsida Olimpiada chempionini magʻlub etib, turnirning oltin medaliga sazovor boʻldi.

-52 kg vazn toifasidagi bellashuvlarda Keldiyorova Tokio Olimpiadasi chempioni, kosovolik Distriya Krasnichga qarshi tatamiga chiqdi va raqibasini ippon bahosi evaziga taslim etdi.

Bu Keldiyorova uchun “Katta dubulgʻa” turnirlaridagi toʻrtinchi oltin medal hisoblanadi. 40 soniyada qoʻlga kiritilgan ushbu gʻalaba orqali u jahon reytingi uchun 1000, Parij—2024 yoʻlida 500 ochkoni oʻz hisobiga qoʻshib qoʻydi.