Qoraqalpogʻiston xalq yozuvchisi, filologiya fanlari doktori, professor, Berdaq nomidagi davlat mukofoti laureati Kengesboy Allambergenov vafot etdi.

Kengesboy Allambergenov 1954-yili Qoraqalpogʻiston Respublikasi Qoraoʻzak tumanida tugʻilgan. Qoraqalpoq davlat pedagogika institutini tugatib, “Jetkinshek” gazetasi, “Amudaryo” jurnali, Nukus pedagogika instituti, “Ilm va jamiyat” jurnalida bosh muharrir, oʻqituvchi, kafedra mudiri, oʻquv ishlari boʻyicha prorektor lavozimlarida ishlagan.

U bir qancha qissa va romanlar, bir nechta monografiya, darslik, oʻquv qoʻllanmalari va 300 dan ortiq ilmiy maqolalar yozgan.

Oyina.uz jamoasi marhumning oilasi va yaqinlariga chuqur hamdardlik bildiradi.