Ijtimoiy tarmoqlar orqali Zarafshonda tilla qumini kavlash vaqtida 40-50 kishini qum bosib qolgani haqida xabarlar tarqalgandi. Biroz o‘tib FVV axborot xizmati ushbu holatga munosabat bildirar ekan, Navoiy viloyati Favqulodda vaziyatlar boshqarmasiga ushbu hodisa yuzasidan xabar kelib tushmagani, vakolatli organlar tomonidan qo‘shimcha ma’lumotlar taqdim etilishini ma'lum qilgandi.

Vazirlikning yangi axborotida qayd e'tilishicha, voqea Zarafshonda sodir bo‘lmagan. 2021 yil 13 noyabr kuni soat taxminan 22:00 larda Konimex tumani "Karakata" OFY hududida joylashgan Lolazor nomli cho‘l hududida bir guruh fuqarolar tuproq tarkibidan tilla qumlarini kavlab olish bilan shug‘ullangan va kutilmaganda qum ostida qolgan. Oqibatda 4 nafar fuqaro hayotdan ko‘z yumgan.

Bosh prokuratura axborot xizmatiga ko'ra, hozirda holat yuzasidan jinoyat ishi qo‘zg‘atilib, tergov ishlari olib borilmoqda.

Eslatib o‘tamiz, avvalroq Kogonda tuproq o‘pirilishi natijasida ikki kishi halok bo‘lgani haqida хабар berilgandi.