Toshkent shahridagi “Navroʻz” bogʻida 18-martdan 22-martgacha “Navroʻz sayli” boʻlib oʻtadi, deb xabar bermoqda poytaxt hokimligi.

Qayd etilishicha, tadbirda dorboz va polvonlarning chiqishlari, oʻzbek xalq oʻyinlari, milliy anʼanalarga asoslangan bozor muhiti, milliy taomlar namoyishi boʻlib oʻtadi.

Bundan tashqari, “Retro” toʻy marosimi va estrada yulduzlarining chiqishlari tashkil etiladi.

Navroʻz bayrami munosabati bilan besh kunlik ish haftasida ishlaydigan xodimlar ketma-ket 5 kun, olti kunlik ish haftasida ishlaydigan xodimlar esa 4 kun dam olishi belgilangan.