Bosh prokuratura tomonidan energiya resurslarini talon-toroj qilinishini oldini olishda jamoatchilik nazoratini yoʻlga qoʻyish maqsadida maxsus telegram-bot dasturi (@EnergonazoratBot) ishlab chiqildi. Bu haqda tashkilotning Axborot xizmati xabar berdi.

Qayd etilishicha, agar yashayotgan hududingizda energetika sohasiga oid biror-bir qonun buzilishiga guvoh boʻlsangiz, bu haqda Bosh prokuraturaning maxsus telegram-boti orqali xabar yoʻllashingiz mumkin.

«Oʻz uyi, mahallasiga befarq boʻlmagan aziz vatandoshlar, jamoatchilik nazoratida faol ishtirok eting !

 

Energiya resurslaridan noqonuniy foydalanilayotganligini oʻz vaqtida aniqlashga hissa qoʻshing», deyiladi xabarda.