Qayd etilishicha, magnit boʻronining G3 darajadagi yuqori faolligi tush paytigacha kutilyapti.

Bu omilning organizmga salbiy taʼsirini kamaytirish maqsadida ovqatlanish ratsionlariga baliq va koʻkat mahsulotlarini kiritish, isteʼmol qilish tavsiya etilmoqda.

Maʼlum qilinishicha, magnit boʻronlari G3 darajali davrda ayrimlarda bosh qismining orqa tomoni va peshonada kuchsiz ogʻriq kuzatiladi.

Bu paytda shu kabi insonlarga kamroq harakat qilish hamda uyda koʻproq oʻtirish tavsiya etiladi.

Shuningdek, magnit boʻroni taʼsirini oʻzida sezayotgan kishilarga chekish, alkogol mahsulotlari va qahva ichish hamda jismoniy zoʻriqish tavsiya etilmaydi.