Saida Mirziyoyevaning yozishicha, bugun AQSHning Oʻzbekistondagi elchisi Jonatan Xenik bilan uchrashuv boʻlib oʻtgan.

“Uchrashuvda koʻplab loyihalar yuzasidan fikr almashdik. Xususan, Google (YouTube) kompaniyasi bilan hamkorlik aloqalarini yoʻlga qoʻyish va bu orqali axborot sohasiga oid ayrim muammolarni birgalikda hal etish masalalarini muhokama qildik. 

 

Koʻplab blogerlarimizdan YouTube monetizatsiyasining cheklanishi yuzasidan murojaatlar kelib tushgan edi. Shu bois uchrashuvda elchi janoblari bilan ushbu kompaniya vakillari bilan uchrashuv tashkil etish va vaziyatni oʻrganish boʻyicha kelishib oldik”, deyiladi xabarda. 

Taʼkidlash joizki, YouTube monetizatsiyasidagi cheklovning olib tashlanishi Oʻzbekistonda internet reklama bozori rivojlanishiga katta imkoniyat yaratadi.