Ijtimoiy tarmoqlarda Toshkent shahrida poyezd vagonlari relsdan chiqib ketgan aytilgan xabar tarqaldi. «Oʻztemiryoʻlovchi» kompaniyasi axborot-tahliliy media markazi holat yuzasidan munosabat bildirdi.

Maʼlum qilinishicha, 11-mart kuni soat 11:50 atrofida Toshkent shahridagi Hamza stansiyasining birinchi yoʻlida 2101-sonli yuk poyezdi joʻnatilayotgan paytida 3 ta boʻsh vagon izdan chiqib ketgan.

Kompaniya xabariga koʻra, tegishli tarkibiy boʻlinmalar tomonidan zudlik bilan holat yuzasidan kerakli chora-tadbirlar koʻrilib, voqea sabablarini oʻrganish boshlangan.