Prezidentning joriy yil 11-martdagi tegishli qarori bilan, Toshkent shahridagi isteʼmolchilarning energiya resurslariga oʻsib borayotgan talabini taʼminlash maqsadida bir qator chora-tadbirlar belgilandi.

Unga koʻra, Energetika vazirligi, Toshkent shahri hokimligi, “Navoiy KMK” AJ, “Olmaliq KMK” AJ, “Oʻzavtosanoat” AJ va “Oʻzmetkombinat” AJning takliflariga asosan 2023-yilda Toshkent shahri elektr taʼminotini yaxshilashga qaratilgan 35-110 kV kuchlanishli elektr tarmoqlarini rivojlantirish loyihasi tasdiqlandi.

Mazkur loyiha doirasida:

• Yunusobod, Shayxontohur, Mirzo Ulugʻbek, Yashnobod va Yangihayot tumanlarida umumiy quvvati 664 MVA boʻlgan 5 ta 110 kV kuchlanishli podstansiya hamda 49,6 km uzunlikdagi 35 kV va 110 kV kuchlanishli elektr uzatish tarmoqlarini quriladi;
•  
• Yunusobod, Mirzo Ulugʻbek, Olmazor va Mirobod tumanlaridagi 4 ta podstansiyani rekonstruksiya qilish orqali ularning oʻtkazish quvvatini 179 MVAga oshiriladi;
•  
• jismonan eskirgan 7,5 km uzunlikdagi 35 kV va 41,7 km uzunlikdagi 110 kV kuchlanishli elektr uzatish tarmoqlarini zamonaviy turdagi kabel va simlarga almashtiriladi.