“Yosh kitobxon” tanlovi uchun roʻyxatdan oʻtish boshlandi. Bu haqda Yoshlar ishlari agentligi direktori Alisher Saʼdullayev maʼlum qildi.

Tanlovda ishtirok etish niyatida boʻlganlar @yoshkitobxon_bot Telegram boti orqali roʻyxatdan oʻtishi mumkin. Arizalar 1-sentabrga qadar qabul qilinadi.

Qayd etilishicha, kitobxonlarning takliflari asosida adabiyotlar roʻyxati 10-14 yosh toifasida 50 tadan 40 taga, 15-19 yosh toifasida 60 tadan 50 taga, 20-30 yosh toifasida 70 tadan 50 taga kamaytirildi va mazmunan qaytadan koʻrib chiqildi. 10-14 yosh toifasida gazeta va jurnallar roʻyxatdan olib tashlangan.