Bugun, 6-mart kuni “Atirgul” tanlovi gʻoliblarini taqdirlash marosimi boʻlib oʻtdi.

Tanlov Jurnalistlar uyushmasi tomonidan 8-mart – Xalqaro xotin-qizlar kuni munosabati bilan jurnalist ayollarning ijtimoiy-siyosiy faolligini oshirish, ijodiy salohiyatini namoyon qilishiga koʻmaklashish, erishgan yutuqlarini eʼtirof etish va ularni ragʻbatlantirish maqsadida eʼlon qilingan.

Unda Oyina.uz jurnalisti Inobat Ahatova “Sifatli taʼlim ahamiyatini ochib bergan eng yaxshi material uchun” nominatsiyasi gʻolibi boʻldi.

Tanlov gʻoliblari maxsus diplom, statuetka va pul mukofoti bilan taqdirlandi.