Bosh vazir Abdulla Aripov boshchiligidagi Oʻzbekiston hukumati delegatsiyasi rasmiy tashrif bilan Germaniyada boʻlib turibdi.

Oʻzbekiston delegatsiyasi 1-mart, chorshanba kuni Berlin shahrida boʻlib oʻtgan ikki davlat Savdo-sanoat palatalari ishtirokida tashkil etilgan Oʻzbekiston-Germaniya biznes-forumida ishtirok etdi.

Tadbirda ikki mamlakat vazirliklari, idoralari, tarmoq birlashmalari, Savdo-sanoat palatalari, xolding kompaniyalari rahbarlari hamda 400 dan ortiq ishbilarmon doira vakillari ishtirok etdi.

2-mart, payshanba kuni Gamburgda “Oʻzbekiston iqtisodiyoti kuni” boʻlib oʻtadi va unda Oʻzbekiston Savdo-sanoat palatasi raisi Davron Vahobov taqdimot qiladi.