Namangan tumanida Damas rusumli avtomobil haydovchisi yoʻlovchi tashish qoidalarini buzdi. Bu haqda viloyat Ichki ishlar boshqarmasi yoʻl harakati xavfsizligi boshqarmasi Matbuot xizmati xabar berdi.

Qayd etilishicha, Namangan tumani Ichki ishlar boʻlimi xodimlari tomonidan reyd oʻtkazilayotgan vaqtda harakatlanib ketayotgan Damas haydovchisi toʻxtatilgan. Reyd davomida haydovchining avtomashinada 25 nafar bogʻcha bolasini olib harakatlangani aniqlangan.

Haydovchi har kuni bu bolalarni bogʻchadan olib kelishi, faqatgina bugun bolalar ortib ketgani sabab mashinaga koʻproq bolalarni olishga majbur boʻlganini maʼlum qilgan.