Navoiy viloyati Raboti Malik tarixiy obidasi devorlariga uyatli soʻzlar yozib ketilgani aks etgan suratlar ijtimoiy tarmoqlarda noroziliklarga sabab boʻlgandi.

Madaniy meros agentligi yozuvlar agentlikning hududiy boshqarmasi tomonidan oʻchirilganini maʼlum qildi va fuqarolarni tarixga oid obidalar, tasvirlar va arxeologik obyektlarni asrashga chaqirdi.

“Madaniy meros agentligi barcha yurtdoshlarimizni tariximizga oid obidalar, tasvirlar va arxeologik obyektlarni asrashga chaqiradi. Unutmang, ajdodlarimizdan qolgan bu merosdan avlodlarimiz ham bahramand boʻlishi lozim”, — deyiladi agentlik murojaatida.