27-fevral kuni Xorazm viloyat sektorlari, huquqni muhofaza qilish idoralari va davlat tashkilotlari rahbarlari ishtirokida yigʻilish oʻtkazildi. Unda Oʻzbekiston Bosh prokurori Nigʻmatilla Yoʻldoshev, Xorazm viloyati hokimi vazifasini bajaruvchi Joʻrabek Rahimov qatnashdi.

Yigʻilishda Murodxon Musoxonovich Ahmedov Xorazm viloyati prokurori lavozimiga tayinlangani maʼlum qilindi.

Oʻzbekiston Respublikasi Bosh prokurori Nigʻmatilla Yoʻldoshev soʻzga chiqib, viloyatda fuqarolarning qonuniy huquq va manfaatlarini himoya qilish, jinoyatchilikka qarshi kurash borasida amalga oshirilgan ishlar xususida toʻxtaldi va galdagi vazifalar belgilab olindi.

Maʼlumot uchun, Murodxon Ahmedov bungacha Fargʻona viloyati prokurori oʻrinbosari lavozimida ishlab kelayotgandi.