Turkiyaning sharqidagi Malatya viloyatida 27-fevral kuni 5,6 magnitudali zilzila sodir boʻldi.

Turkiya Tabiiy ofatlarni boshqarish boshqarmasining xabar berishicha, zilzila episentri Yeshilyurt aholi punkti hududida, 7 kilometr chuqurlikda boʻlgan. Zilzila oqibatida bir kishi halok boʻlgan, 69 kishi jarohatlangan. Hozirgacha kamida 22 ta bino vayron boʻlgan.

Qayd etilishicha, Malatya viloyati 6-fevral kungi dahshatli zilzilalardan jabr koʻrgan oʻnta hududdan biri hisoblanadi. Soʻnggi maʼlumotlarga koʻra, Turkiyada zilzila qurbonlari soni 44 mingdan oshgan.

Zilzila talafotlari aks etgan videolarni bu yerda koʻrish mumkin.