Xalq deputatlari Toshkent shahar kengashining qarori bilan Toshkentda 500 dan ortiq koʻcha va joy nomlari oʻzgardi.

Qaror bilan nomsiz boʻlgan 281 ta koʻchaga yangi nom qoʻyildi. Shuningdek, 20 ta takrorlangan koʻcha nomlari qayta nomlandi.

1 ta qonunchilikka zid nom (Lokomotiv liniyasi nomli koʻcha Mehridil deb oʻzgartirilgan) qayta nomlandi.

Geografik joylashuvi qayta koʻrib chiqilishi natijasida nomi oʻzgargan (Toshkent shahriga qoʻshib olingan) 228 ta hududlar qayta nomlandi.

Geografik joylashuviga aniqlik kiritilayotgan 21 ta (Bektemirda 14 ta, Sergelida 2 ta, Yashnobodda 5 ta) hudud oʻz nomini saqlab qoldi.