Endi xarid cheklari boʻyicha keshbek olish uchun Face ID orqali shaxsni tasdiqlash kerak boʻladi. Bu haqda Soliq qoʻmitasi maʼlum qildi.

Qoʻmitaga koʻra, buning uchun quyidagilar kerak boʻladi:

FACE ID boʻlimiga kirish;

jismoniy shaxsning shaxsiy identifikatsiya raqamini ((JShShIR) koʻrsatish;

yuzni toʻliq suratga olib, tasdiqlashga yuborish.

Eslatib oʻtamiz, 2022-yil 1-yanvardan boshlab jismoniy shaxslar bank kartalariga xarid summasidan 1 foiz keshbek qaytarilmoqda. Ilgari faqat 500 000 soʻmdan ortiq mablagʻni olish uchun fotosurat yordamida shaxsni tasdiqlash talab qilinardi. Endi bu shart har qanday bonus miqdori uchun amal qiladi.