Oʻzbekistondagi davlat oliy taʼlim muassasalarining 2022-yilda koʻrgan daromadlari va xarajatlariga oid maʼlumotlar eʼlon qilindi.

Oliy taʼlim, fan va innovatsiyalar vazirligi tomonidan eʼlon qilingan maʼlumotlarga koʻra, 2022-yilda davlat OTMlari 8,77 trillion soʻmdan ortiq daromad koʻrgan, xarajatlar esa 8,102 trillion soʻmdan ziyodni tashkil etgan.

Oliy taʼlim muassasalarining daromadlari budjetdan moliyalashtirilgan mablagʻlar, toʻlov-kontrakt asosida oʻqitish uchun tushgan tushumlar, rivojlantirish mablagʻlari boʻyicha daromadlar hisobidan shakllantiriladi.

2022-yilda eng koʻp sof daromad koʻrgan oliy taʼlim muassasalarining qisqa roʻyxati quyidagicha:

Toshkent davlat iqtisodiyot universiteti – 106,2 milliard soʻm;

Namangan davlat universiteti – 67,7 milliard soʻm;

Berdaq nomidagi Qoraqalpoq davlat universiteti – 54,4 milliard soʻm;

Guliston davlat universiteti – 54 milliard soʻm;

Navoiy davlat pedagogika instituti – 43,2 milliard soʻm.

2022-yilda eng koʻp xarajat qilgan OTMlar:

Samarqand davlat universiteti — 42,5 milliard soʻm;

Qarshi davlat universiteti — 28,3 milliard soʻm;

Samarqand davlat chet tillar instituti — 26,8 milliard soʻm;

Fargʻona politexnika instituti — 15,3 milliard soʻm;

Ajiniyoz nomidagi Nukus davlat pedagogika instituti — 15 milliard soʻm.