Surxondaryo viloyatining Jarqoʻrgʻon tumanida Maʼnaviyat va maʼrifat maskani foydalanishga topshirildi.

Ushbu maskanda xodimlar xonasi, yigʻilishlar zali, zamonaviy kutubxona mavjud.

Maskanning ochilish marosimida Oʻzbekistonda xizmat koʻrsatgan jurnalist, shoir, dramaturg Qoʻchqor Norqobil, Respublika Maʼnaviyat va maʼrifat markazi Surxondaryo viloyati boʻlimi rahbari Nargiza Rahmatullayeva, tuman hokimi oʻrinbosari Anvar Rajabov, OAV hamda keng jamoatchilik vakillari, aholi xususan yoshlar ishtirok etdi.

Maʼlumot oʻrnida shuni aytish kerakki, 2023-yil davomida viloyatning Oltinsoy, Termiz, Uzun, Qumqoʻrgʻon tumanlarida ham Maʼnaviyat va maʼrifat maskanlari foydalanishga topshirilishi belgilangan.