Toshkent shahar Yunusobod tumani “Buyuk Turon” mahallasidagi (Oloy bozori orqasidagi) koʻchalarning biriga Usmon Nosir nomi berildi. Bu haqda poytaxt hokimligi matbuot xizmati xabar berdi.

Xalq deputatlari Toshkent shahar Kengashining VI-77−30−14−0-K/23-sonli qarori bilan Yunusobod tumani “Buyuk Turon” mahallasidagi Amir Temur 1-tor koʻchasi Usmon Nosir koʻchasi deb qayta nomlandi. Shuningdek, ushbu koʻchaga tutash nomsiz koʻchaga Usmon Nosir 1-tor koʻchasi nomi berildi.

Xabarda bu Oʻzbekiston Respublikasi Prezidentining 2022-yil 10-fevraldagi “Otashin shoir, tarjimon va dramaturg Usmon Nosir tavalludining 110-yilligini keng nishonlash toʻgʻrisida”gi qarori tegishli bandining ijrosini taʼminlash maqsadida amalga oshirilgani qoʻshimcha qilingan.