2023-yilning yanvar oyida 423,7 ming nafar chet el fuqarolari turistik maqsadlarda Oʻzbekistonga tashrif buyurgan.

Statistika agentligining maʼlumotlariga koʻra, bu koʻrsatkich oʻtgan yilning mos davri bilan solishtirilganda 254,1 ming nafarga yoki 2,5 baravarga oshgan.

Shuningdek, qarindoshlarni yoʻqlash niyatida mamlakatga kelganlar (379,6 ming kishi) soni ham boshqa maqsadlar bilan solishtirilganda sezilarli darajada yuqori.

2023-yilning yanvar oyida Oʻzbekiston Respublikasiga kelgan chet el fuqarolarining safar maqsadlari quyidagicha:

— dam olish – 26,9 ming kishi;

— xizmat yuzasidan – 8,2 ming;

— davolanish – 5,0 ming kishi;

— tijorat – 2,8 ming kishi;

— oʻqish maqsadida – 1,2 ming kishi.