Oʻzbekiston Jurnalistlar uyushmasi tomonidan 2023-yil 10-fevral kuni Milliy matbuot markazida Oʻzbekiston milliy teleradiokompaniyasi tomonidan nashrga tayyorlangan “Oʻzbekiston teleradiosi” nomli kitob-ensiklopediyaning taqdimot marosimi oʻtkazildi.

Mazkur kitob-ensiklopediyada radio va televideniye tizimida samarali mehnatlari evaziga yuksak mukofotlarga sazovor boʻlgan xodimlarning avtobiografik maʼlumotlari aks etgan.

Kitob jurnalistika sohasida faoliyat olib borayotgan mutaxassis-olimlar, shuningdek, oliy oʻquv yurtlarining tadqiqotchi va talabalari hamda keng kitobxonlar uchun moʻljallangan.