Oʻzbekistonda 2023-yilda aholining sifatli va qulay yoʻlovchi tashish xizmatlariga ehtiyojlarini qondirish maqsadida Toshkent shahri va hududlar uchun qoʻshimcha 1 mingtadan zamonaviy avtobuslar xarid qilinadi. Bu jamoatchilik muhokamasiga qoʻyilgan davlat dasturi loyihasida koʻzda tutilgan.

Qayd etilishicha, “Oʻzmilliybank” AJdan xorijiy moliya institutlari mablagʻlari hisobidan uzoq muddatli va imtiyozli kredit mablagʻlarini jalb qilgan holda qoʻshimcha 2 000 ta avtobus sotib olinadi.

Buning uchun 230 million dollar xorijiy kredit liniyalari mablagʻlari sarf qilinadi.

Transport vazirligi, Iqtisodiyot va moliya vazirligi, “Oʻzbekiston temir yoʻllari” AJ, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari topshiriq ijrosi uchun masʼul etib belgilangan.