Namangan viloyati Kosonsoy tumani “Nurobod” MFYda 7-fevral kuni portlash sodir boʻldi. Bu haqda Favqulodda vaziyatlar vazirligi axborot xizmati xabar berdi.

Qayd etilishicha, soat 07:30 da Navbahor koʻchasi raqamsiz yashash uyida gaz-havo aralashmasining chaqnashi sodir boʻlgan. Oqibatda 4 nafar fuqaro jarohat olib, tuman tibbiyot birlashmasiga yotqizilgan.

Ayni vaqtda chaqnash oqibatlari bartaraf etilmoqda. Voqea joyiga FVB, IIB, SSB, prokuratura hamda “Hududgaztaʼminot” xodimlari chiqqan.