Bugun, 30-yanvar kuni havo harorati +10 darajagacha isiydi.

“Oʻzgidromet” direktori Sherzodxoʻja Habibullayevning maʼlum qilishicha, 30-yanvardan antisiklonning sovuq pereferiyasi tugab, Oʻzbekiston hududiga issiq havo oqimi kirib kelishi boshlanadi.

30-yanvar kuni Oʻzbekiston boʻyicha yogʻingarchilik kutilmaydi. Baʼzi joylarga tuman tushadi. Shamol 7-12 m/s tezlikda esadi. Harorat +5+10 daraja iliq boʻladi.

Toshkent shahrida yogʻingarchilik kutilmaydi. Shamol 3-8 m/s tezlikda esadi. Harorat +7+9 darajagacha koʻtariladi.

Togʻli hududlarda ham yogʻingarchilik kutilmaydi. Shamol 7-12 m/s tezlikda esadi. Harorat +2+7 daraja iliq boʻladi.