“Buyuk shoir va olim, mashhur davlat arbobi Zahiriddin Muhammad Bobur tavalludining 540-yilligini keng nishonlash toʻgʻrisida”gi Prezident qarori (PQ–20 son, 25.01.2023-y.) qabul qilindi.

Qarorga koʻra:

— “Zahiriddin Muhammad Bobur merosining Sharq davlatchiligi va madaniyati rivojida tutgan oʻrni” mavzusida xalqaro ilmiy-nazariy anjuman oʻtkaziladi;

— “Bobur merosi” xalqaro sayyohlik targʻibot dasturi amalga oshiriladi;

— Zahiriddin Muhammad Boburning bolalik davriga bagʻishlab suratga olinayotgan “Yoʻlbarsning tugʻilishi” badiiy filmini yakuniga yetkazish choralari koʻriladi;

Shuningdek, quyidagilar chop etiladi:

— oʻzbek, rus va ingliz tillarida Zahiriddin Muhammad Bobur hayoti va ijodiga doir “Bobur ensiklopediyasi”ning toʻldirilgan uchinchi nashri;

— “Bobur” kitob-albomi;

— Bobur asarlari lugʻati;

— Bobur devonining mukammal nashri.

2023/2024 oʻquv yilidan OTM talabalari uchun tarix va geografiya yoʻnalishlarida Zahiriddin Muhammad Bobur nomidagi davlat stipendiyasi taʼsis etiladi.

2023-yil 1-avgustgacha oʻzbek, rus, ingliz tillarida faoliyat yuritadigan xalqaro ilmiy boburshunoslik elektron platformasi va uning mobil ilovasi yaratiladi.