Senatda 24-yanvar kuni NNT, davlat idoralari va faollar ishtirokida oiladagi zoʻravonlik toʻgʻrisidagi qonunning jamoatchilik muhokamasi oʻtkaziladi. Bu haqda Prezident Administratsiyasi Ijro etuvchi apparatining Kommunikatsiyalar va axborot siyosati boʻyicha shoʻba mudiri Saida Mirziyoyeva maʼlum qildi.

Uning qayd etishicha, oiladagi zoʻravonlik uchun jinoiy jazo belgilanishi zarur.

“Oiladagi zoʻravonlik uchun jinoiy jazo tayinlanmagunicha, ushbu jinoyatga davlatning munosabati Jinoyat kodeksida aniq aks etmagunicha, bir joyda qotib turaveramiz. Busiz boshqa hech nima yordam berolmaydi, yuzaki choralar ham, eng ilgʻor gender loyihalari ham, quruq gap bilan tarbiyalashga urinishlar ham”, – deb yozadi Mirziyoyeva.

Saida Mirziyoyevaning qoʻshimcha qilishicha, avvalo ayollar oldidagi masʼuliyatni belgilagan holda ularni himoyalovchi qonun joriy etilishi zarur.