Turkmaniston sovuq sabab Oʻzbekistonga toʻxtatilgan gaz eksportini qayta tikladi. Bu haqda OʻzA xabar berdi.

Anomal sovuq sabab 12-yanvardan boshlab “Daryoliq” stansiyasi orqali Oʻzbekistonga gaz yetkazib berishni toʻxtatgan Turkmaniston 21-yanvardan boshlab yana Oʻzbekistonga kuniga 4,8 million kub metr tabiiy gaz yetkazib berishni qayta tikladi.

Maʼlum qilinishicha, bugungi kunga kelib bu koʻrsatkich 12,6 million kub metrga yetkazilgan hamda asta-sekin yetkazib berishning kunlik hajmi 16 million kub metrgacha oshadi.